"Manchester Yunayted" futbolchilari bosh murabbiy Ruben Amorimning uslublariga shubha bilan qaray boshlashdi.

"Qizil iblislar"ning ba’zi futbolchilari portugaliyalik o‘zining o‘yin uslubiga haddan tashqari ishonadi, deb hisoblamoqda. Jurnalist Kris Uilerning hisobotidan olingan ma’lumotlarga ko‘ra, jamoa murabbiyning hozirgi tarkibda "Manchester Yunayted"ga to‘g‘ri kelmaydigan taktik tizimga ko‘r-ko‘rona ishonishini tushunolmayapti.

Amorim noyabr oyida o‘z lavozimini egallab, 2027 yil o‘rtalariga qadar shartnoma imzoladi. Bungacha mankunianliklarga Erik ten Xag boshchilik qilgandi.