"Манчестер Юнайтед" футболчилари бош мураббий Рубен Аморимнинг услубларига шубҳа билан қарай бошлашди.
"Қизил иблислар"нинг баъзи футболчилари португалиялик ўзининг ўйин услубига ҳаддан ташқари ишонади, деб ҳисобламоқда. Журналист Крис Уилернинг ҳисоботидан олинган маълумотларга кўра, жамоа мураббийнинг ҳозирги таркибда "Манчестер Юнайтед"га тўғри келмайдиган тактик тизимга кўр-кўрона ишонишини тушунолмаяпти.
Аморим ноябрь ойида ўз лавозимини эгаллаб, 2027 йил ўрталарига қадар шартнома имзолади. Бунгача манкунианликларга Эрик тен Хаг бошчилик қилганди.
