O‘zbekiston Superligasining 11-turidan o‘rin olgan uchrashuv 23 may, juma kuni bo‘lib o‘tdi.

Unda Qarshining “Nasaf”i o‘z uyida Olmaliqning “OKMK” klubini qabul qildi. Uchrashuvda hisob mezbonlar tomonidan ochildi. 16-daqiqada Abdurahmatov tomonian qanotdan yetkazilgan uzatmani Husayn Norchayev bosh bilan mehmonlar darvozasiga joylab qo‘ydi.

Ikkinchi bo‘lim avvalida esa Nodirbek Abdurazzoqov OKMKning qarshi hujumidan so‘ng hisobni tenglashtirdi. 78-daqiqaga kelib Dragan Cheran olmaliqlik himoyachi va darvozabonning juftlikdagi xatosidan so‘ng bo‘sh darvoza qarshisiga chiqib bordi va jamoasiga g‘alaba keltirgan gol muallifi bo‘ldi.

Ushbu g‘alabadan so‘ng qarshiliklar 25 ochko bilan 1-o‘ringa chiqib oldi. Olmaliqlikar esa 23 ochko bilan 2-pog‘onadan joy olgan.

Superliga, 11-tur
23 may, juma
“Nasaf” — “OKMK” 2:1
Gollar: 1:0 – 16, Husayn Norchayev, 1:1 – 52, Nodirbek Abdurazzoqov, 2:1 – 78, Dragan Cheran.