"Atalanta" yarim himoyachisi Xuan Kuadrado Turinning "Yuventus" klubini tark etishini qayerdan bilganini aytdi.
"Ular shartnomamni uzaytirishlarini aytishdi, lekin hech narsa bo‘lmadi. Keyin ular ijtimoiy tarmoqlarda mening suratim bilan post e’lon qilishdi va unda yillar davomida qilgan barcha ishlarim uchun minnatdorchilik bildirishdi", - deya kolumbiyalik futbolchining so‘zlarini keltiradi jurnalist Janluka Di Marsio.
Futbolchi ayni damda “Atalanta”da o‘ynaydi. Joriy mavsumda u barcha turnirlarda 31 ta o‘yin o‘tkazib, 4 ta golli uzatmani amalga oshirdi.
