Lukas Vaskes "Real Madrid" safidagi 400-uchrashuvini o‘tkazdi.
Bir kun avval 33 yoshli himoyachi La Liga doirasida "Sosyedad"ga qarshi o‘yinda (2:0) ishtirok etdi.
Ispaniyalik futbolchi Madrid safida 2015 yilda debyut qilgan, 10 mavsumda 23 ta sovrin yutgan va 38 ta gol urgan.
Vaskes La Ligada 277 ta, Chempionlar ligasida 77 ta, Ispaniya kubogida 27 ta, Ispaniya superkubogida 8 ta, klublar o‘rtasidagi jahon chempionatida 7 ta, UEFA Superkubogida 4 ta o‘yin o‘tkazgan.
Futbolchi jahon chempionatidan so‘ng "Real"ni erkin agent sifatida tark etishi xabar qilingandi.
