Londonning "Arsenal" klubi "Milan"dan Rafael Leau nomzodini bo‘lajak transfer bozoridagi kuchaytiruvchilar qatoriga qo‘shdi. Bu haqda Footmercato xabar bermoqda.
"Arsenal" bozordagi vaziyatni chuqur tahlil qilib, hujum chizig‘ini kuchaytirish uchun optimal variantni tanlashga harakat qilmoqda. Rafael Leau yozda klubning diqqat markazida bo‘lishi mumkin bo‘lgan futbolchilardan biri.
Leau "kanonirlar" uchun asosiy ustuvorlik hisoblanmasa-da, klubning qiziqishi faqat rasmiyatchilik bilan cheklanmaydi: "Arsenal" sport direktori Andrea Berta yaqinda portugaliyalik vinger bilan telefon orqali muloqot qildi, bu esa yaqin kelajakda ehtimoliy muzokaralardan darak berishi mumkin.
2024/25 yilgi mavsumda Leau "Milan" safida 50 ta o‘yinda maydonga tushib, 12 ta gol va 13 ta golli uzatmani amalga oshirdi. Uning amaldagi shartnomasi 2028 yilning yozigacha mo‘ljallangan bo‘lib, transfermarkt talqiniga ko‘ra, futbolchining taxminiy narxi 75 million yevroga yetadi.
