Yozgi transferlar davrida "Manchester Yunayted" "Vulverxempton"dan 25 yoshli hujumchi Mateus Kunyani olib, hujum chizig‘ini kuchaytirishga tayyorlanmoqda.

Taniqli insayder Nikolo Skiraning ma’lum qilishicha, klub "bo‘rilar" bilan futbolchini taxminan 70 million yevroga transfer qilish bo‘yicha kelishuvga erishgan.

Kelishuv yana bir mavsumga uzaytirish imkoniyati bilan 2030 yilgacha mo‘ljallangan bo‘lib, bu "qizil iblislar"ning braziliyalik futbolchiga nisbatan uzoq muddatli rejalaridan dalolat beradi.

Ortda qolayotgan mavsumda Kunya o‘zini Yevropaning yetakchi yosh hujumchilaridan biri sifatida ko‘rsatdi va barcha musobaqalarda 35 ta o‘yin o‘tkazib, oltita samarali uzatma bilan 17 ta gol urdi.