"Union" Belgiya chempionatining 2024/25 yilgi mavsumining so‘nggi turida o‘z maydonida "Gent"ni 3:1 hisobida mag‘lub etdi va 90 yil ichida ilk bor mamlakat chempionligini qo‘lga kiritdi.
"Union" 56 ochko bilan turnir jadvalida birinchi o‘rinni egallab, Belgiyaning 12 karra chempioniga aylandi. Jamoa bu unvonni 1935 yildan beri qo‘lga kirita olmayotgan edi. Shu tariqa, "Union" Chempionlar ligasining asosiy bosqichi yo‘llanmasini qo‘lga kiritdi.
"Bryugge" Belgiya chempionatida 53 ochko jamg‘arib, ikkinchi o‘rinni egalladi. “Genk” 47 ochko jamg‘argan holda kuchli uchlikka yakun yasadi.
