"Унион" Бельгия чемпионатининг 2024/25 йилги мавсумининг сўнгги турида ўз майдонида "Гент"ни 3:1 ҳисобида мағлуб этди ва 90 йил ичида илк бор мамлакат чемпионлигини қўлга киритди.
"Унион" 56 очко билан турнир жадвалида биринчи ўринни эгаллаб, Бельгиянинг 12 карра чемпионига айланди. Жамоа бу унвонни 1935 йилдан бери қўлга кирита олмаётган эди. Шу тариқа, "Унион" Чемпионлар лигасининг асосий босқичи йўлланмасини қўлга киритди.
"Брюгге" Бельгия чемпионатида 53 очко жамғариб, иккинчи ўринни эгаллади. “Генк” 47 очко жамғарган ҳолда кучли учликка якун ясади.
