"Vulverxempton" hujumchisi Mateus Kunya tez orada "Manchester Yunayted" safini to‘ldiradi.
Avval ham bir necha bor xabar berilganidek, "qizil iblislar" braziliyalik futbolchining 70 mln yevrolik transferini yopish arafasida. Jurnalist Ben Jeykobsning xabar berishicha, hujumchi yangi jamoasida xuddi hozir "Vulverxempton"da bo‘lgani kabi o‘ninchi raqamli futbolkada to‘p tepadi. Futbolchi besh yilga mo‘ljallangan shartnoma tuzadi.
Ma’lumot uchun, Mateus Kunya Angliya chempionatida 33 ta o‘yinda 15 ta gol va 6 ta assistni o‘z hisobiga yozdirib qo‘ygan.













