Mavsumning so‘nggi o‘yinida muxlislar "Lasio"ga hushtakbozlik qilishdi.

Italiya A Seriyasining 38-turida rimliklar o‘z maydonida 17-pog‘onadagi "Lechche"ga yutqazib qo‘ydi (0:1). Klub 65 ochko bilan, Italiya chempionatida 7-o‘rinni egalladi.

Keyingi mavsumda "Lasio" yevrokuboklarda ishtirok etmaydi.

Alessio Romanyolining chetlatilishidan keyin mezbonlar o‘yinni 10 kishi bo‘lib yakunladi. 93-daqiqada sardor o‘z jarima maydoni yaqinida qoida buzganidan norozilik bildirish uchun laynsmen oldiga bordi. Shu payt hakam Mixael Fabri kelib, unga qizil kartochka ko‘rsatdi.

Final hushtagidan so‘ng "Olimpiko" stadionida quloqni qomatga keltiruvchi darajada hushtak ovozi yangradi.