Xabi Alonso "Real" bilan shartnoma imzoladi.
Kecha "Madrid" "Bayer"ning sobiq bosh murabbiyi bilan 2028 yilning yoziga qadar shartnoma imzolaganini e’lon qildi.
Bugun "Real" prezidenti Florentino Peres va 43 yoshli bask murabbiyi o‘rtasida rasmiy shartnoma imzolash marosimi bo‘lib o‘tdi.
Keyinchalik klub Alonsoni yangi murabbiy sifatida tanishtiradi va Karlo Anchelotti o‘rniga kelgan Xabi birinchi matbuot anjumanini o‘tkazadi.
2009-2014 yillarda Alonso "Real"da futbolchi sifatida o‘ynagan va klub bilan 6 ta sovrin, jumladan La Liga va Chempionlar Ligasini qo‘lga kiritgan.
"Bayer" bilan murabbiy sifatida u Germaniya chempionati va kubogini qo‘lga kiritdi. Xabi, shuningdek, "Real Madrid" yoshlar jamoasi va "Real Sosyedad"ning ikkinchi jamoasini boshqargan.
