"Real"ning yangi bosh murabbiyi Xabi Alonso 2025 yil yozida AQSHda bo‘lib o‘tadigan klublar o‘rtasidagi jahon chempionati yakunlangach, yarim himoyachi Luka Modrichning jamoani tark etishi haqida gapirdi.
"Men, ehtimol, u haqida gap ketganda unchalik xolis odam emasman - biz uzoq vaqt birga o‘ynaganmiz va o‘rtamizda har doim alohida bog‘liqlik bo‘lgan. U jamoaning haqiqiy yetakchisiga, maydonda dirijyor va klub afsonasiga aylandi. Uning "Santyago Bernabeu" bilan xayrlashishini tomosha qilish - bu faxrlanish lahzasi. Jahon chempionatida u bilan ishlashni davom ettirish men uchun katta sharaf," - dedi Alonso AS nashriga bergan intervyusida.













