"Реал"нинг янги бош мураббийи Хаби Алонсо 2025 йил ёзида АҚШда бўлиб ўтадиган клублар ўртасидаги жаҳон чемпионати якунлангач, ярим ҳимоячи Лука Модричнинг жамоани тарк этиши ҳақида гапирди.
"Мен, эҳтимол, у ҳақида гап кетганда унчалик холис одам эмасман - биз узоқ вақт бирга ўйнаганмиз ва ўртамизда ҳар доим алоҳида боғлиқлик бўлган. У жамоанинг ҳақиқий етакчисига, майдонда дирижёр ва клуб афсонасига айланди. Унинг "Сантьяго Бернабеу" билан хайрлашишини томоша қилиш - бу фахрланиш лаҳзаси. Жаҳон чемпионатида у билан ишлашни давом эттириш мен учун катта шараф," - деди Алонсо AS нашрига берган интервьюсида.
