Kevin De Bryuynening "Manchester Siti"dan "Napoli"ga o‘tishi haqida yangi ma’lumotlar paydo bo‘ldi. Janluka di Marsioning so‘zlariga ko‘ra, transferning barcha tafsilotlari allaqachon kelishib olingan. De Bryuynening advokatlari belgiyalik futbolchining transferi bo‘yicha yakuniy masalalarni hal qilishmoqda.

Qayd etilishicha, Kevin allaqachon Neapolda o‘zi uchun uy topgan, uning oilasi esa hozirda uy-joy sotib olish masalasini hal qilishmoqda. Kevinning farzandlari o‘qiydigan maktab ham topildi.

Eslatib o‘tamiz, "Napoli" A Seriyaning mavsum yakunida Milanning "Inter" klubini bir ochkoga ortda qoldirib, Italiya chempioniga aylandi. De Bryuynening "Manchester Siti" bilan shartnomasi yakunlanmoqda.