Кевин Де Брюйненинг "Манчестер Сити"дан "Наполи"га ўтиши ҳақида янги маълумотлар пайдо бўлди. Жанлука ди Марционинг сўзларига кўра, трансфернинг барча тафсилотлари аллақачон келишиб олинган. Де Брюйненинг адвокатлари бельгиялик футболчининг трансфери бўйича якуний масалаларни ҳал қилишмоқда.
Қайд этилишича, Кевин аллақачон Неаполда ўзи учун уй топган, унинг оиласи эса ҳозирда уй-жой сотиб олиш масаласини ҳал қилишмоқда. Кевиннинг фарзандлари ўқийдиган мактаб ҳам топилди.
Эслатиб ўтамиз, "Наполи" А Сериянинг мавсум якунида Миланнинг "Интер" клубини бир очкога ортда қолдириб, Италия чемпионига айланди. Де Брюйненинг "Манчестер Сити" билан шартномаси якунланмоқда.
