"Milan"ning sobiq yarim himoyachisi Rud Gullit jamoaning hozirgi holati haqida gapirdi.
O‘tgan mavsumda jamoa chempionatni sakkizinchi o‘rinda yakunladi va Kubok finalida "Bolonya"ga mag‘lub bo‘ldi.
"Muxlislar norozi va men ularni tushunaman.
Gap chempionlik uchun yoki hech bo‘lmaganda Chempionlar ligasi yo‘llanmasi uchun kurashishga odatlangan buyuk klub haqida ketmoqda.
Muammo shundaki, amerikalik xo‘jayinlar o‘zlari nazorat qilayotgan klubining DNKsini to‘liq tushuna olmayapti. Ular uchun bu shunchaki biznes", - deya Gullitning so‘zlarini keltiradi Tuttosport.
