"Liverpul" forvardi Muhammad Saloh futbolchilik faoliyatini qachon yakunlashni rejalashtirayotgani haqida gapirdi.
"Men 39-40 yoshgacha o‘ynashga qodirman, biroq faoliyatimni ertaroq yakunlashim kerakligi haqida tasavvur paydo bo‘lsa, shunday qilaman. Hozirning o‘zida ancha yutuqlarga erishdim.
"Liverpul" bilan shartnomam tugayotgandi, ammo men Saudiya Arabistoni chempionatiga o‘tish arafasida bo‘lsam-da, yangi shartnoma bo‘yicha kelisha oldik," - dedi misrlik megayulduz.
2024/25 yilgi mavsum yakunlariga ko‘ra, Saloh ikkinchi marta Angliya chempioni bo‘ldi. Misrlik futbolchi o‘tgan klub mavsumida 52 ta o‘yinda maydonga tushib, 34 ta gol urdi va 23 ta golli uzatmani amalga oshirdi.
