Xosep Gvardiolaning "Manchester Siti"dagi murabbiylar shtabini Xuanma Lilo, Karlos Visens va Inigo Dominges tark etadi. Bu haqda The Athletic xabar bermoqda. "Shaharliklar" bosh murabbiyi zamon bilan hamnafas bo‘lishni istaydi va yangi g‘oyalarni izlamoqda, shuning uchun tez orada uning professional muhiti o‘zgaradi.
Xuanma Lilo 2023 yilning yozidan beri (ilgari 2020 yildan 2022 yilgacha ham) "Manchester Siti"da, Karlos Visens 2021 yildan beri (ilgari yoshlar jamoasida ishlagan), Inigo Dominges 2023 yilda taklif qilingan.
"Manchester Siti" Angliya Premyer-ligasining ortda qolgan mavsumida uchinchi o‘rinni egalladi.













