Хосеп Гвардиоланинг "Манчестер Сити"даги мураббийлар штабини Хуанма Лило, Карлос Висенс ва Иньиго Домингес тарк этади. Бу ҳақда The Athletic хабар бермоқда. "Шаҳарликлар" бош мураббийи замон билан ҳамнафас бўлишни истайди ва янги ғояларни изламоқда, шунинг учун тез орада унинг профессионал муҳити ўзгаради.
Хуанма Лило 2023 йилнинг ёзидан бери (илгари 2020 йилдан 2022 йилгача ҳам) "Манчестер Сити"да, Карлос Висенс 2021 йилдан бери (илгари ёшлар жамоасида ишлаган), Иньиго Домингес 2023 йилда таклиф қилинган.
"Манчестер Сити" Англия Премьер-лигасининг ортда қолган мавсумида учинчи ўринни эгаллади.













