La Liga "Atletik" muxlislarining "Barselona" bilan o‘yindagi xatti-harakatlaridan shikoyat qildi.

O‘tgan yakshanba kuni bilbaoliklar La Liganing 38-turida o‘z uyida kataloniyaliklarga mag‘lub bo‘ldi (0:3).

Oxirgi tur yakunlari bo‘yicha RFEF Tartib-intizom qo‘mitasi va Zo‘ravonlikka qarshi kurash qo‘mitasiga berilgan hisobotda o‘yindagi 6 ta hodisa qayd etilgan. Xususan, La Liga "Atletik" muxlislarining "Barselona" va uning tarafdorlariga qaratilgan haqoratomuz hayqiriqlari, shuningdek, "Barselona" prezidentiga qaratilgan so‘zlar bo‘yicha holatlar ko‘rib chiqildi. 

Bilbao jamoasi muxlislari "Barselona"ning hakamlar texnik qo‘mitasi vise-prezidenti Xose Mariya Anrikes Negreyraga pora berganini nazarda tutib, "Negreyra", deb hayqirishdi.

Bundan tashqari, La Liga mas’ullari "Barselona" futbolchilari uchun chempionlik yo‘lagini yaratish vaqtida hushtakbozlik qilinganini qayd etishgan.