Ruben Amorim noyabr oyidan beri "Manchester Yunayted"ni boshqarmoqda. Jamoa mavsumni muvaffaqiyatsiz o‘tkazib, Premyer-ligada bor-yo‘g‘i 16-o‘rinni egalladi. Kelgusi mavsumda "qizil iblislar" Yevropa musobaqalarida ishtirok etmaydi. "MYU"ning sobiq bosh murabbiyi Joze Mourinyo Amorimga o‘zining "Portu"dagi tajribasidan ilhomlanishni maslahat berdi.
"Amorimning bir necha fikrlarini o‘qidim. "Portu"ga kelganimda ham xuddi shunday vaziyat edi. Men yanvarda ular boshqaruvini qo‘lga oldim va bizda og‘ir yarim yil bo‘ldi. Hatto UYEFA kubogiga ham zo‘rg‘a kirdik. Keyin esa nima bo‘lganini o‘zingiz ko‘rdingiz," - dedi Mourinyo Sky Sports'ga.
Joze Mourinyo rahbarligidagi "Portu" 2003 va 2004 yillarda mos ravishda UEFA kubogi va Chempionlar ligasida g‘olib bo‘lgan edi.













