Рубен Аморим ноябрь ойидан бери "Манчестер Юнайтед"ни бошқармоқда. Жамоа мавсумни муваффақиятсиз ўтказиб, Премьер-лигада бор-йўғи 16-ўринни эгаллади. Келгуси мавсумда "қизил иблислар" Европа мусобақаларида иштирок этмайди. "МЮ"нинг собиқ бош мураббийи Жозе Моуриньо Аморимга ўзининг "Порту"даги тажрибасидан илҳомланишни маслаҳат берди.
"Аморимнинг бир неча фикрларини ўқидим. "Порту"га келганимда ҳам худди шундай вазият эди. Мен январда улар бошқарувини қўлга олдим ва бизда оғир ярим йил бўлди. Ҳатто УЕФА кубогига ҳам зўрға кирдик. Кейин эса нима бўлганини ўзингиз кўрдингиз," - деди Моуриньо Sky Sports'га.
Жозе Моуриньо раҳбарлигидаги "Порту" 2003 ва 2004 йилларда мос равишда УEФА кубоги ва Чемпионлар лигасида ғолиб бўлган эди.
