Emmanuel Makron Chempionlar ligasi finaliga bormaydi.
Turnirning hal qiluvchi bahsida “PSJ” va “Inter” jamoalari to‘qnash kelishadi. O‘yin 31 may kuni bo‘lib o‘tadi.
RMC Sport xabariga ko‘ra, Fransiya prezidenti Emmanuel Makron Myunxenga bu o‘yin uchun bormaydi.
An’anaga ko‘ra, davlat yoki hukumat rahbarlari terma jamoalarga tegishli bo‘lmagan tadbirlarda qatnashmaydi.
Qayd etilishicha, "PSJ" turnirda g‘olib chiqsa, yakshanba kuni Parijda bo‘lib o‘tadigan chempionlik paradida Fransiya sport vaziri Mari Barsak qatnashadi.
