"Liverpul"ning Premyer-liga chempionligini nishonlash marosimida avtomashina muxlislar olomoniga borib urilgan va fojia kelib chiqqan.

Kecha ma’lum bo‘lishicha, polisiya haydovchining shaxsini aniqlashga muvaffaq bo‘lgan va unga nisbatan ayblov e’lon qilgan.

Sky Sports xabariga ko‘ra, rulda 53 yoshli Pol Doyl bo‘lgan. Unga yettita ayblov qo‘yilgan, jumladan, xavfli haydash, qasddan badanga og‘ir shikast yetkazish va qasddan og‘ir shikast yetkazishga urinish holatlari qayd etilgan.

U hibsga olingan. Doyl ishi bo‘yicha birinchi sud majlisi bugun, 30 may kuni bo‘lib o‘tishi kutilmoqda.