Rafinya "Barselona"dagi o‘yini tanqid qilingani haqida gapirdi.
"Men kelganimdan beri har bir transfer oynasida ketishim, bu klub uchun yetarlicha kuchli emasligim haqida gap-so‘zlar bo‘lib turardi. Lekin men nimalarga qodir ekanligimni bilardim. Men ishim va boshqa klublarda va terma jamoada qilgan ishlarim tufayli shu yerdaman. Gap saviyaning yetishmasligi haqida emas.
Lekin men katta va talabchan klub bo‘lmish "Barsa"da o‘ynayapman, agar kutilgandek o‘ynamasangiz, tanqid qilish normal holat. Odamlar ketishing kerak, bu futbolkada o‘ynash uchun standartlarga mos emassan, deyishadi... Lekin men bu klubga nima bera olishimni bilardim. Agar men qattiq mehnat qilsam va natijaga erishsam, odamlar fikrini o‘zgartirishini bilardim. Mana shunday bo‘ldi", - dedi "Barselona" vingeri.
