Рафинья "Барселона"даги ўйини танқид қилингани ҳақида гапирди.
"Мен келганимдан бери ҳар бир трансфер ойнасида кетишим, бу клуб учун етарлича кучли эмаслигим ҳақида гап-сўзлар бўлиб турарди. Лекин мен нималарга қодир эканлигимни билардим. Мен ишим ва бошқа клубларда ва терма жамоада қилган ишларим туфайли шу ердаман. Гап савиянинг етишмаслиги ҳақида эмас.
Лекин мен катта ва талабчан клуб бўлмиш "Барса"да ўйнаяпман, агар кутилгандек ўйнамасангиз, танқид қилиш нормал ҳолат. Одамлар кетишинг керак, бу футболкада ўйнаш учун стандартларга мос эмассан, дейишади... Лекин мен бу клубга нима бера олишимни билардим. Агар мен қаттиқ меҳнат қилсам ва натижага эришсам, одамлар фикрини ўзгартиришини билардим. Мана шундай бўлди", - деди "Барселона" вингери.
