"Barselona"ning sobiq yarim himoyachisi Andres Inyesta sobiq jamoadoshi, hozirda "PSJ"da o‘ynayotgan Usmon Dembelening o‘yinlari haqida o‘z fikrlari bilan o‘rtoqlashdi.

"Har kim o‘z faoliyati davomida boshidan kechiradigan lahzalar va vaziyatlar bo‘ladi. Kontekst va jamoalar o‘zgaradi, atmosfera ham o‘zgaradi va oxirida yaxshi ishlash uchun barcha parametrlar o‘rtasida muvozanatni topish kerak.

Usmonning cheksiz iste’dodi va ajoyib fazilatlari borligi aniq. U ularni "Barselona"da rivojlantirdi va Parijda ham shunday qilishda davom etmoqda", - dedi Inyesta.

Joriy mavsumda Dembele barcha turnirlarda 48 ta o‘yin o‘tkazib, 33 ta gol urdi va 13 ta golli uzatmani amalga oshirdi.