"Барселона"нинг собиқ ярим ҳимоячиси Андрес Иньеста собиқ жамоадоши, ҳозирда "ПСЖ"да ўйнаётган Усмон Дембеленинг ўйинлари ҳақида ўз фикрлари билан ўртоқлашди.

"Ҳар ким ўз фаолияти давомида бошидан кечирадиган лаҳзалар ва вазиятлар бўлади. Контекст ва жамоалар ўзгаради, атмосфера ҳам ўзгаради ва охирида яхши ишлаш учун барча параметрлар ўртасида мувозанатни топиш керак.

Усмоннинг чексиз истеъдоди ва ажойиб фазилатлари борлиги аниқ. У уларни "Барселона"да ривожлантирди ва Парижда ҳам шундай қилишда давом этмоқда", - деди Иньеста.

Жорий мавсумда Дембеле барча турнирларда 48 та ўйин ўтказиб, 33 та гол урди ва 13 та голли узатмани амалга оширди.