Milanning "Inter" klubi sardori Lautaro Martines jamoa bosh murabbiyi Simone Indzagining jamoadan ketishi mumkinligi haqidagi fikrlari bilan o‘rtoqlashdi.
Tarqalgan xabarlarga ko‘ra, italiyalik mutaxassis Chempionlar ligasining bo‘lajak finalidan so‘ng darhol "Al-Hilol" boshqaruviga o‘tadi.
"Indzagining ketishi? Har kuni yangiliklar chiqyapti, xotirjammiz. Murabbiy hali ham shu yerda va u jamoamizni kuchaytirish uchun astoydil harakat qilmoqda. Agar finalda g‘alaba qozonsak, muvaffaqiyatimizni unga, oilamizga va muxlislarga bag‘ishlaymiz," - dedi Lautaro Martines matbuot anjumanida.
