Миланнинг "Интер" клуби сардори Лаутаро Мартинес жамоа бош мураббийи Симоне Индзагининг жамоадан кетиши мумкинлиги ҳақидаги фикрлари билан ўртоқлашди.
Тарқалган хабарларга кўра, италиялик мутахассис Чемпионлар лигасининг бўлажак финалидан сўнг дарҳол "Ал-Ҳилол" бошқарувига ўтади.
"Индзагининг кетиши? Ҳар куни янгиликлар чиқяпти, хотиржаммиз. Мураббий ҳали ҳам шу ерда ва у жамоамизни кучайтириш учун астойдил ҳаракат қилмоқда. Агар финалда ғалаба қозонсак, муваффақиятимизни унга, оиламизга ва мухлисларга бағишлаймиз," - деди Лаутаро Мартинес матбуот анжуманида.
