"PSJ" hujumchisi Usmon Dembele Chempionlar Ligasi finalidan o‘rin olgan "Inter"ga qarshi o‘yin oldidan bolaligidan shunday o‘yinda maydonga tushishni orzu qilganini aytib o‘tdi.
"PSJ"ga Chempionlar Ligasi startida oson bo‘lmadi, ammo vaziyatni o‘zgartira oldik. Bunday lahzalardan maksimal darajada foydalanish kerak, chunki ular qachondir yana takrorlanadimi yoki yo‘qmi, bilmaysiz. Finalga yaxshi tayyorgarlik ko‘rdim. Bolaligimdan shunday o‘yinda o‘ynashni orzu qilardim. O‘z o‘yiningizga, jamoangizga, o‘zingizga e’tibor qaratishingiz kerak. Umid qilamanki, fantastik futbol namoyish eta olamiz," - deya Dembelening so‘zlarini keltiradi UEFA matbuot xizmati.
