"ПСЖ" ҳужумчиси Усмон Дембеле Чемпионлар Лигаси финалидан ўрин олган "Интер"га қарши ўйин олдидан болалигидан шундай ўйинда майдонга тушишни орзу қилганини айтиб ўтди.
"ПСЖ"га Чемпионлар Лигаси стартида осон бўлмади, аммо вазиятни ўзгартира олдик. Бундай лаҳзалардан максимал даражада фойдаланиш керак, чунки улар қачондир яна такрорланадими ёки йўқми, билмайсиз. Финалга яхши тайёргарлик кўрдим. Болалигимдан шундай ўйинда ўйнашни орзу қилардим. Ўз ўйинингизга, жамоангизга, ўзингизга эътибор қаратишингиз керак. Умид қиламанки, фантастик футбол намойиш эта оламиз," - дея Дембеленинг сўзларини келтиради УEФА матбуот хизмати.
