"Liverpul" o‘zining rasmiy saytida "Bayer" safida to‘p tepgan niderlandiyalik Jeremi Frimpong bilan uzoq muddatli shartnoma imzolaganini e’lon qildi.

OAV ma’lumotiga ko‘ra, "Liverpul" 24 yoshli Frimpong uchun 40 million yevro to‘lagan. Uning "Liverpul" bilan shartnomasi 2030 yilgacha mo‘ljallangan.

Frimpong "Bayer" safida 2021 yilning yanvaridan buyon to‘p tepib kelayotgandi. U o‘tgan mavsumda barcha musobaqalarda 48 ta o‘yinda maydonga tushib, 5 ta gol urgan va 12 ta golga hammualliflik qilgan. Transfermarkt portali uning bozor narxini 50 million yevroga baholamoqda.