"Ливерпуль" ўзининг расмий сайтида "Байер" сафида тўп тепган нидерландиялик Жереми Фримпонг билан узоқ муддатли шартнома имзолаганини эълон қилди.
ОАВ маълумотига кўра, "Ливерпуль" 24 ёшли Фримпонг учун 40 миллион евро тўлаган. Унинг "Ливерпуль" билан шартномаси 2030 йилгача мўлжалланган.
Фримпонг "Байер" сафида 2021 йилнинг январидан буён тўп тепиб келаётганди. У ўтган мавсумда барча мусобақаларда 48 та ўйинда майдонга тушиб, 5 та гол урган ва 12 та голга ҳаммуаллифлик қилган. Трансфермаркт портали унинг бозор нархини 50 миллион еврога баҳоламоқда.
