Londonning "Chelsi" klubi rahbariyati yarim himoyachi Moyses Kaysedo bilan yaxshilangan shartlar asosida qayta shartnoma imzolashni rejalashtirmoqda.
Kaysedo bilan shartnoma uzaytirilishi mumkinligi haqidagi ma’lumotlar OAVda ancha oldin paydo bo‘lgandi, ammo insayder Fabrisio Romanoning so‘zlariga ishonadigan bo‘lsak, "Chelsi" yangi kelishuv ustida ichki ishlarni endigina boshlagan. Manbaga ko‘ra, klub va futbolchi o‘rtasidagi muzokaralar tez orada boshlanadi.
Kaysedo 2023 yilda "Chelsi" futbolchisiga aylandi va 2031 yilgacha mo‘ljallangan shartnoma imzoladi. Bu mavsumda u barcha musobaqalarda 45 ta o‘yinda maydonga tushib, ikkita gol urdi va beshta golli uzatmani amalga oshirdi.













