Лондоннинг "Челси" клуби раҳбарияти ярим ҳимоячи Мойсес Кайседо билан яхшиланган шартлар асосида қайта шартнома имзолашни режалаштирмоқда.
Кайседо билан шартнома узайтирилиши мумкинлиги ҳақидаги маълумотлар ОАВда анча олдин пайдо бўлганди, аммо инсайдер Фабрицио Романонинг сўзларига ишонадиган бўлсак, "Челси" янги келишув устида ички ишларни эндигина бошлаган. Манбага кўра, клуб ва футболчи ўртасидаги музокаралар тез орада бошланади.
Кайседо 2023 йилда "Челси" футболчисига айланди ва 2031 йилгача мўлжалланган шартнома имзолади. Бу мавсумда у барча мусобақаларда 45 та ўйинда майдонга тушиб, иккита гол урди ва бешта голли узатмани амалга оширди.
