Saudiya Arabistonining "An-Nasr" klubi rahbariyati portugaliyalik yulduz hujumchi Krishtianu Ronalduni jamoada olib qolmoqchi.
Jurnalist Fabrisio Romanoning ma’lumotiga ko‘ra, klub 40 yoshli hujumchini hamkorlikni uzaytirishga ko‘ndirish yo‘lini o‘ylab topgan. "An-Nasr" kelasi mavsumda sovrinlar uchun kurashish maqsadida jamoani ikki nafar futbolchi bilan kuchaytirmoqchi. Saudiya klubi safini "Liverpul" forvardi Luis Dias va "Feyenoord" himoyachisi David Gansko to‘ldirishi mumkin.
Krishtianuning "An-Nasr" bilan amaldagi shartnomasi 2025 yilning iyun oyi oxirigacha mo‘ljallangan. Hujumchining transfer narxi 12 million yevroga baholanmoqda.













