"Manchester Yunayted" Fransiyaning "Lill" klubi darvozaboni Lyuka Shevalye xizmatiga jiddiy qiziqish bildirmoqda. 23 yoshli darvozabon jamoani tark etishi mumkin bo‘lgan Andre Onananing o‘rinbosari sifatida "qizil iblislar"ning diqqat markazida bo‘lib turibdi.

Caught Offside xabariga ko‘ra, mankunianliklar bilan bir qatorda "Aston Villa" ham Shevalyega da’vogarlik qilmoqda. Birmingem klubi Emiliano Martines ketganidan keyin darvozabon pozisiyasini kuchaytirish maqsadida "Lill"ga taxminan 47,6 mln yevrolik taklif yuborgan.

So‘nggi mavsumda Shevalye barcha musobaqalarda 48 ta o‘yin o‘tkazib, 13 marta darvozani daxlsiz saqlashga muvaffaq bo‘ldi.