"Манчестер Юнайтед" Франциянинг "Лилль" клуби дарвозабони Люка Шевалье хизматига жиддий қизиқиш билдирмоқда. 23 ёшли дарвозабон жамоани тарк этиши мумкин бўлган Андре Онананинг ўринбосари сифатида "қизил иблислар"нинг диққат марказида бўлиб турибди.
Caught Offside хабарига кўра, манкунианликлар билан бир қаторда "Астон Вилла" ҳам Шевальега даъвогарлик қилмоқда. Бирмингем клуби Эмилиано Мартинес кетганидан кейин дарвозабон позициясини кучайтириш мақсадида "Лилль"га тахминан 47,6 млн евролик таклиф юборган.
Сўнгги мавсумда Шевалье барча мусобақаларда 48 та ўйин ўтказиб, 13 марта дарвозани дахлсиз сақлашга муваффақ бўлди.
