“Krasnodar”ning hujumkor yarim himoyachisi Eduard Spersyan faoliyatini Portugaliyaning yetakchi klublaridan birida davom ettirishi mumkin.

Bu haqda Armenie Football nashri xabar berdi.

Manba bergan xabarga ko‘ra, 24 yoshli yarim himoyachi xizmatlariga "Portu", "Benfika" va "Sporting" klublari qiziqish bildirmoqda.

Qayd etilishicha, «Portu» allaqachon futbolchining atrofidagilar bilan muzokaralarga kirishgan. Joriy mavsumda Spersyan barcha musobaqalar doirasida 35 ta o‘yinda maydonga tushib, 11 ta gol urdi va 7 ta golli uzatmani amalga oshirdi.