"Liverpul" kelasi hafta "Bornmut" himoyachisi Milosh Kerkez uchun taklif yubormoqchi.
"Bayer"dan Jeremi Frimpongni 29,5 million funt sterlingga sotib olib, o‘ng qanot himoyasini kuchaytirgan "Liverpul" endi e’tiborini chap qanotga qaratmoqchi.
Premyer-liga chempionlari "Bornmut" tomonidan 45 million funtga baholangan Kerkez uchun taklif yubormoqchi, deb xabar beradi talkSPORT.
Kerkezning o‘zi Vengriya terma jamoasidagi jamoadoshi Dominik Sobozlai o‘ynaydigan "Liverpul"ga o‘tishga tayyor.
Joriy mavsumda Premyer-ligada 2 ta gol urgan va 5 ta golli uzatmani amalga oshirgan 21 yoshli Kerkezga boshqa klublar qiziqish bildirishgan, ammo “Bornmut” haligacha hech qanday taklif olgani yo‘q.
