Milanning “Inter” klubi Chempionlar ligasi finalida og‘ir mag‘lubiyatga uchradi, klub futbolchilari esa hafsalasi pir bo‘lganini yashirishmayapti – xususan, Benjamin Pavar o‘zining ijtimoiy tarmoqlarida xabar qoldirgan.
Unda u muxlislarga minnatdorchilik bildirib, klubni qo‘llab-quvvatlashni to‘xtatmaslikka chaqirgan.
"Bu og‘ir mag‘lubiyat, qayg‘uli oqshom, biz juda kuchli raqibga yutqazdik. Bu biz orzu qilgan narsa emas edi.
Lekin shunday qayg‘uli kunlarda ham muxlislarning qo‘llovini unutmasligimiz kerak.
Bizni qo‘llab-quvvatlagan, stadionda qo‘shiq kuylagan va bizga ishongan barcha muxlislardan minnatdorman. Biz qaytamiz!", – dedi Pavar.
