Huquqlari Italiyaning "Milan" klubiga tegishli bo‘lgan ispaniyalik "Galatasaroy" hujumchisi Alvaro Morata kelajagi haqidagi savolga javob berdi va Ispaniyaga qaytish istagini bildirdi.
"Hali "Galatasaroy"da olti oy bor, ammo bundan keyin nima bo‘lishini bilmayman. Albatta, Ispaniyaga qaytishni istardim. Lekin aytishim mumkinki, "Xetafe"da o‘ynash uchun qo‘limdan kelgan barcha ishni qilaman, ammo hozir buning vaqti emas", dedi Morata.
Eslatib o‘tamiz, Morata turk klubi bilan 2026 yilning 20 yanvarigacha ijara shartnomasi imzolagan. Futbolchining o‘tgan yozda "Atletiko"dan o‘tgan "Milan" bilan amaldagi shartnomasi 2028 yilning yoziga qadar tuzilgan.













