Xorvatiya terma jamoasi darvozaboni Dominik Livakovich "Real Madrid" libosida Luka Modrich bilan xayrlashuv o‘yinini tomosha qilganidan keyin o‘z his-tuyg‘ulari bilan o‘rtoqlashdi.

Eslatib o‘tamiz, xorvatiyalik futbolchi transferidan 13 yil o‘tib "qirollik klubi"ni tark etgandi.

Modrich hozirda erkin agent hisoblanadi. "Hayrlashuvni tomog‘im tiqilib tomosha qildim. Ayniqsa, Modrichdan ko‘p ajoyib narsalarni ko‘rgan muxlislarning yig‘lashi meni hayratda qoldirdi.

Bunday vaziyatlarga befarq qarab bo‘lmaydi", - dedi Livakovich.