Saudiyaning “Al-Hilol” klubi “Atalanta”ning 25 yoshli braziliyalik yarim himoyachisi Edersonni sotib olmoqchi, deya xabar bermoqda jurnalist Fabrisio Romano.
Manbaga ko‘ra, "Manchester Yunayted" yarim himoyachisi Brunu Fernandesh "Al-Hilol" taklifini rad etganidan so‘ng, klub rahbariyati Edersonning atrofidagilar bilan aloqa o‘rnatgan. Xabar qilinishicha, yaqin orada rasmiy taklif kelishi mumkin.
O‘tgan mavsumda Ederson barcha turnirlarda 49ta o‘yinda qatnashib, beshta gol urdi va ikkita golli uzatmani amalga oshirdi. Futbolchining klub bilan amaldagi mehnat shartnomasi 2027 yilning yoziga qadar mo‘ljallangan. Transfermarkt portalida berilgan ma’lumotlarga ko‘ra, futbolchining bozor qiymati 50 million yevroni tashkil qiladi.
