Саудиянинг “Ал-Ҳилол” клуби “Аталанта”нинг 25 ёшли бразилиялик ярим ҳимоячиси Эдерсонни сотиб олмоқчи, дея хабар бермоқда журналист Фабрицио Романо.
Манбага кўра, "Манчестер Юнайтед" ярим ҳимоячиси Бруну Фернандеш "Ал-Ҳилол" таклифини рад этганидан сўнг, клуб раҳбарияти Эдерсоннинг атрофидагилар билан алоқа ўрнатган. Хабар қилинишича, яқин орада расмий таклиф келиши мумкин.
Ўтган мавсумда Эдерсон барча турнирларда 49та ўйинда қатнашиб, бешта гол урди ва иккита голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида берилган маълумотларга кўра, футболчининг бозор қиймати 50 миллион еврони ташкил қилади.
