“Barselona” futbolchisi Lamin Yamal Ispaniya terma jamoasiga yangi chaqirilgan “Real Madrid” futbolchisi Din Xeysen bilan hazillashdi. Ikkala yosh futbolchi Ispaniya terma jamoasiga birga chaqirilgan bo‘lib, terma jamoaning rasmiy ijtimoiy tarmoq sahifasida ularning birga tushgan surati e’lon qilindi.

Yamal bu suratga izoh yozib, o‘zining “El-Klasiko”dagi yangi raqibi ustidan kuldi. Bu holat futbol muxlislari orasida tezda muhokamaga sabab bo‘ldi.

Yamal surat ostida quyidagicha yozdi: “Bu mening yangi o‘yinchog‘im”. Xeysen esa hazilga hazil bilan javob qaytardi: “O‘g‘lim mening”.

Ma’lumot uchun, Din Xeysen 2025 yilning may oyida Angliyaning “Bornmut” klubidan “Real Madrid”ga 60 million yevro evaziga o‘tgan edi.

Lamin Yamal esa “Barselona” tarbiyalanuvchisi hisoblanadi. U o‘tgan mavsum La Liga doirasidagi 35 ta o‘yinda maydonga tushib, o‘z hisobiga 9 ta gol va 13 ta golli uzatma yozdirib qo‘ygan.

Eslatib o‘tamiz, Ispaniya terma jamoasi 5 iyun kuni Millatlar Ligasi doirasida Fransiyaga qarshi maydonga tushadi.