Myunxenning "Bavariya" klubi Leverkuzenning "Bayer" klubi bilan Jonatan Taning klublar o‘rtasidagi jahon chempionati muddatidan oldin klubga qo‘shilishi bo‘yicha muzokaralarni davom ettirmoqda.

Yaqinda myunxenliklar bilan shartnoma imzolagan markaziy himoyachi rasman 1 iyulga qadar "Bayer" futbolchisi bo‘lib qoladi.

TZ xabariga ko‘ra, Leverkuzen klubi Tani rasmiy transfergacha turnir ro‘yxatiga kiritishga ruxsat bergani uchun besh million yevro miqdorida tovon puli talab qilmoqda. "Bavariya" esa bu summani juda yuqori deb hisoblaydi va 200 dan 400 ming yevrogacha taklif qilishga tayyor.