"Liverpul" darvozaboni Kaomxin Kellexer rasman "Brentford"ga o‘tdi.

“Asalarilar” matbuot xizmati o‘z ijtimoiy tarmoqlarida xabar berishicha, yangi kelgan futbolchi London klubiga to‘liq transfer sifatida kelib qo‘shilgan.

Darvozabon bilan 5 yilga tuzilgan shartnoma avtomatik ravishda yana bir yilga uzaytirilishi mumkin.

Eslatib o‘tamiz, Kellexer 2019 yilning yozidan buyon “Liverpul”da to‘p tepmoqda. O‘tgan mavsumda irlandiyalik futbolchi mersisaydliklar safida 20ta o‘yinda maydonga tushgan.

Jurnalist Ben Jeykobsning ta’kidlashicha, "Brentford" "Liverpul"ga darvozabon uchun 21,5 million yevro to‘lagan, Kellexerning klub bilan shartnomasi tugashiga hali bir yil qolgan.